2013/02/21

أوهام .



بتخاف؟
من تأثير الواقع فيك
من صوت عالى مكتوم فسكوت
من حدوتة قديمة فقلبك
من وحدة لو جت قبل الموت

بتخاف ليبان أنك خايف

من تزوير الناس لحقيقتك
من نور الدنيا أما يضلم
من أضغاث أحلام بتطاردك
من التوهة فقلب زحام الكون

بتخاف لتصدق نفسك
أحسن بعدين ترجع ندمان
خايف من خطوة لقدام

كلها أوهام

2013/02/12

أستثنائى .




أستثنائى أنت كحبك تماما
لأنك لم تكن كالبقية 
ولم تعاملنى كالسابقات
لأنك تفهمت
لأنك تعمدت الفراق فى كثير من الأوقات
وتركت لى حرية إختيارك فى كل وقت
لأنك ومن دون قصد جعلتنى أعى كم أنا أستثنائية
لأنى لم أكتب عن الكثير ولكنك قرأت

أستثنائى 
كم أقسمت ألا أعود للعشق 
ولأجلك عدت


كنت على وشك أن أبادلكى أعترافك
كنت على وشك الوقوع فى فخ الكلمات
لكنى عوضا أفشيت بسرى
من أجلك
طوعت القدر لكى نتقابل بأستمرار
صارت الورود هوى .. أفهم ما تعنيه الباقات
شاركتك جزءاً من وقتك
لأحوذ على عقلك فى حضورى 
وفى كل الأوقات
راقتك الغيرة فى عينى ، وفهمتك 
لكنى أبيت أن يبدأ من عينيك الثأر
أخبرتك أنى منذ عرفتك 
أيقنت بأن أمراة مثلك تجعل من كل النسوة فتيات
لكنى أبداً لم أخظأ 
لم أقع فى فخ الكلمات
كنتى على وشك خداعى 
لأقول أحبك حتى وإن قلبى مات .


2013/02/10

تصميم




فرق القدرة ما بين الاول والتانى
مش دايما بيكون فرق كبير
فرق حياتك بين قبل وبعد 
 جايز أو جد

فرق الترتيب بين آخر لقطة عن بدايتها
ملهوش تأثير
كل القصة
فرق التصميم
بين كونه أختار يبقى الأول بدل التانى
أخترت تشوف مشهد كامل
ولا تشوف من الآخر
 وتجيب بعدين أنت التفاصيل
أخترت تكمل فى حياتك
 ولا هيهزمك التغيير

2013/02/07

جوه زحمة




أرمى نفسك جوه زحمة
جوه ضحك الناس
أو حتى جوه مناقشة حادة
أنسى الكلام جواك

حط قلبك جوه غنوة

دندن
مش شرط نفس المقام

نَسّى نفسك كل حاجة

وأفتكرها ( هى ) بس
( هى ) أى حاجة حلوة فى الحياة
شغلك ... حبيبتك .. أهلك ... هوايتك 

أنسى نفسك

وفكر فى كل الناس

غيظ بضحكة

 هم شايفك
قوله ده مش أسلوب حياة :)

أرمى نفسك جوه أوضه

ضيق أوى عليك المكان
وأرجع دور عالبراح
جوه حاجة خنقاك

كون زى ما تحب

لو حتى كنت ده جواك

أرمى نفسك جوه قلبك

طبطب عليه أوى
قوله آسف .. أحيانا مضطر أكون أنسان