2011/02/26

بحلم أكون



بحلم اكون انسانه  قوية ومش بسهولة ابوح ولا انوح
 بحلم اكون صورة لفنان
 يلمح فيها الناس الروح قبل العنوان

بحلم باليوم 
 يوم ما اقابل رب كريم
 بحلم اكون اثرت فى حد ولو حتى صديق

بحلم اعرف انفذ حاجه من غير اى حساب وبدون تفكير
اصل الدنيا مهيش محتاجة حد يسابق فى التاخير
بحلم اكون بلياتشو فى سيرك
 يضحك قد ما يقدر يضحك
 بس استنى وشوفه
 وقت الجد  يقلب ساحر لو حبيت

بحلم افرق بين المخلص والكذاب
واعرف ان الحب افعال مش بس كلام

بحلم اعيش حرة ومن غير معمل اى حساب للناس
 زى الطير ماهو طاير فوق من غير وسواس

بحلم اشيل حنية قلبى لوقت اوانها
 وده اذا كان لسه فاى مكان ناس بتقدرها
بحلم احس بدفا وامان وسلام
 من غير محتاج لوظيفة
او جاه
او حتى ان املك 100 فدان
بحلم انى اكون نفسى
بس مفيش حاجه مسعدانى 
 لسه كتير
 وده اذا كان فى وقت يكفى انى اعبر على اللى فى بالى

بحلم ودى احلام
 حتى وان مبقتش حقيقة
 يبقى حلمت
ومتهيالى ان الحلم لكل مواطن ولسه كمان مبقاش بفلوس ولا حتى نفوذ
(بحلم اكون )


هناك 4 تعليقات:

سَارةٌ يقول...

نَـسووومْ .. ماهو مينفعش كده بقى ..
كُـل مره ادخل عندك ..

أقرا واطلع من غير ما اسيب كومنت..
بزمتك يِـنفع ؟

والكلمـه التأكيديه الرّخمه دي
قاصداني بقى .. :(
..
عندي دَرسْ حالاً ومضطره أنزل بِسُرعه ..
بَس أول ماآجي .. ليِـك عندي
كومنت كبير كمـآن .. :):)
..
المدونه جميله جِـداً :):)

nesma hatem يقول...

ميرسى يا جميل .... انتى تنورى وقت ما تحبى وبعدين لو مضيقاكى اشيلها خالص :)

سواح في ملك اللــــــــــــــــــه- يقول...
أزال المؤلف هذا التعليق.
سواح في ملك اللــــــــــــــــــه- يقول...

انتي كل ده يانسمة

فانتي تشبهين اسمك

اخوكي خالد