2011/12/29

حيادى


من النهاردة مش هكون أبدا حيادى
يعنى هرجع منهم أزعل
وأن فى يوم يجو عليا
مفيش مبرر يبقى كافى

مبقاش بيفرق سؤالهم يوم عليا
مبحسهوش
عشان بيشبه نقطة فى نهاية السطور
زى تشكيل الكلام
بيه صحيح الجملة أجمل
بس الأساس هى الحروف

ولأن كل حاجة بيعملوها
واى حاجة بيقولوها
مش عشانى
عشان ده عادى
قررت انى من النهارة
مش هكون تانى حيادى
 
Blogger

2011/12/24

عشرت سنين



الصراحة مفتكرش أول كلام كان بنا ايه
حتى المكان
كل حاجة ضايعة منى الا حاجة واحدة بس
فاكرة انى كنت عامله زى تايه
ماشى ساكت وسط زحمة
فجأة شاف الاتجاه
ومن ساعتها ... كل حاجة أتغيرت
مبقتش بعرف أكون لوحدى
كان كل يوم فى ميعاد مابينا وبرضه بتأخر عليه
كنا دايما حد واحد
انتى كنتى تفرحى وانا فورا اضحك
كلامى يبقى نفسى أقوله فتقوليه
حتى فاكره كام خناقة والعند لما بتبتديه
الرسايل لما كان الرغى فيها يحلى يوم الامتحان
حتى بعد كل واحد فينا ماراح مكان
لسه برضه بتسمعينى بالسعات ... يمكن اكتر من زمان

(بحبك كده زى ما انتى ... )
جملة دايما بتقوليها وانتى عارفة أد إيه أنا محتجاها
بيها اصالح تانى نفسى
ولما يوم انا جيت عليكى غصب عنى
بأبتسامة عديتيها بوعد منى مش هعيدها
.
.
عشرت سنين ... ذكرياتهم جوه قلبى
مهما تزيد بنا السنين .. هى برضه تزيد قيمتها

2011/12/14

أحتمال



ضع أحتمال لنهاية الاشياء ... لفنائها
ضع أحتمال للفشل وأحتمال للأنتظار
فلن تستمر الخطط دائما كما نرسمها ، أحيانا يعيقها أرادة أكبر و تدابير خاصة لا يعلمها الا رب العالمين
تعلم ان تستسلم لها ولا تؤمن بالخطوات الثابته ، فحتى هذه الثوابت بدأتها أحتمالات كثيرة

ولذلك ..  أنتظر النهاية ولكن بدون أن تظن بأنك تعرف موعدها وتفاصيلها وعندما تخطط لما هو قادم كن على أستعداد لتقبل أى شئ يعيقك بكامل الرضا
فيكفى أن ينتهى شئ لتعرف قيمته ... وأن تزول نعمة وهبها الله لك لتتمنى رجوعها ... يكفى ان يعلمك الانتظار الصبر .. ان يعطيك فرصة اخرى للتفكير ... يكفى ان تفشل حتى تعرف طريق البداية
يكفى ان تكون مهيأ لكل ما يمكن أن يحدث فقط لكى يمضى

2011/12/09

ومازلت أسرد





ومازالت أسرد ومازلت تسمع بدون أهتمام
تقرأ جريدة .. تطفئ سيجارا وتعبث بكونى هنا فى أنتظار
يطول البقاء ، أَمِلُ الحديث بهذا الهدوء
فدوما أنا من ينزعج يثور
 ويرفض قضاء يومى وحيدة
 ويفرح لأجلى
 ويأخد بأزرى
ويحنو علي َّكطفل وليد
.
.
كثيرا أفكر ... أأفضل وجودك أم العيش وحدى
فأرفض خضوعى .. أدافع عنى ولكنه عبثا
.
.
تمضى شهورا
أعود لأجلس على طاولتى
رائحة قهوة  تفوح المكان ومقعد خالى ساكن أمامى قليل الكلام
أسرد وأسرد لا أجد ردا
ولم تبقى أنت لتبدى أهتمام

2011/12/04

بساطة حلم




مبقتش عارف أخاف من بكرة ولاّ أفرح
ولو هفرح .. تدوم فرحة فى قلبى أزاى وأنا فى حضنك بنام خايف من الحارس
شايل روحى على كفى
وكل سلاحى حلم بسيط ، بأخد التار لدم شهيد وفجر جديد يرجع الأمل تانى
.
.
بخاف تبقى قساوة القلب دى فيكى ... لكن أزاى ، ومن أمتى !؟
عشان يجمعنا صوت واحد لازم يرضى عليه ملايين
ودول قلة
وفى ساكتيين
وناس عايزة الأمان وخلاص ويولع اللى مش عايزيين
.
.
بنتقسم عشان مين !؟
ولما نعادى ونظلم بعض بنبنى مصر تانى لمين !؟
نعيد الثورة من تانى ولو حكمت نعيد تالت
ومش خايف من التكرار
مدام لسه بنخون بعض وبنهرب من مشاكلنا ونتجمل فى إعلام نوصفه بالحُر
.
.
نعيد تانى بشرط
يعلمنا اللى فات أكتر ... يفهمنا ضرورة التغيير

2011/10/27

نبضة قلب




عندما نبض قلبى للمرة الأولى تسائلت كثيرا هل هذا هو الحب !؟

ربما هو الأنتماء لشخص ما مع الرضا الكامل والخضوع لكل ما يفرضه هذا الأنتماء من قيود ؟

أو هو شعور بالحرية والأمل والرغبة فى مواجهة الكون لنحقق شيئا نعرف أنه سيسعد شخصا آخر

الحب هو تجربة رائعة يعيشها المحظوظون منا ..... هو شعور يجعل من الأنسان مفكرا بلا وعى ... قادرا على الأعتناء بالآخرين والخوف من فقدانهم

هو سحر من نوع خاص يجعل كل شئ فردى يتحلى بالأزدواجية ... يجعل الآخر جزء من أحلامك .... مخاوفك ... أفراحك ... أحزانك

هو عالم آخر من المفاهيم والمشاعر التى لربما كانت مبهمة أو مخبأة من قبل

هو شعور لا نستطيع ان نعطيه تفسير واضح فقط نستمتع بالشعور به دون ان نرهق انفسنا فى الوصول الى ما يعنيه الحب لنا

هو مشاعر مشتركة لاتجسد معنى واضحا  الا اذا كان هناك من يشاركنا بها

2011/10/20

لا تهتم




لا تهتم
 لضيق أفقى 
 هفواتى
 حتى أفكارى
لا تحصى عدد مكالماتى
 تأكيدا كونى لا أهتم
لا تنسج آمالا حولى 
 علّى قررت الهرب ليوم
لا تندهش لضحكاتى .. بعد دموعى وأبتسماتى
فأنا فى كون الأبراج
 شخص هوائى ومزاجى
أشكر مجهودك لأيجادك عوضا عن تبرير أثنين
لكن ورجاءا
حتى وإن أقحمك فضولك فى حياتى
عذرا منك
لا تهتم

2011/10/09

نور ضعيف



نور ضعيف من بعيد
يبتدى خطوة فخطوة  
 ألمحه .. أكتر يبان
والمكان اللى رايحله
مكنش نفسه
اللى بحلم بيه تملى
أو بشوفه فى المنام
وبرضه لسه هفضل أمشى
لأنى عارف هى مجموعة بيبان
تبتدى بالصعب دايما
ولكل واحد أتجاه

فى الطريق هتشوف كتير
ناس بتهوى الأنتظار
اللى تاهو فى الندم
واللى لوم الناس وسيلته للوصول
أختيارك أو طريقك
 فى النهاية
 حاجة ترجع ليك لوحدك
أختبار للصبر ؟؟ .. ممكن

قصر الكلام آخر الطريق
هو آخر فرصة تفضل
فيه الدليل
لو كنت فعلا تستحق
أتعب عشان النور يبان





2011/10/02

لوحة الدنيا





لو رتبنا الدنيا مابينا سبع ألوان
يجى الأبيض دايما أول حاجة تبان
وقبل ما تلحق تفرح أن فى حاجة تمام
يقلب اسود
والله يعينك يوم ما الأبيض يصبح أسود فى الألوان

تفضل تتمنى لو بس
سواد اللون يخلص ،هيبان أخضر
وعشان تكمل طعم الفرحة
من هنا يبدأ دور الأزرق
فى الصورة بيرسم سما وبحور


بس ازاى الناس تسكتلك لما تشوف انك مبسوط !؟
تبدا تحقد
هنا اضمنلك ان الأصفر كدا فى أمان
حتى وإن كان
 عمره ما يبقى ده اخر واحد فى الألوان .

علشان كده طمن قلبك
حاول تمحى الأصفر أسرع
يظهر أحمر
يزرع خير وامان وزهور

اخر واحد وده راجع ليك
شوف حواليك
امسك فرشة ولخبط بيها
شوف يطلعلك بيهم ايه !؟؟
:)

2011/09/26

أعمل مابدالك




عمرك جربت تقول نكة
 ومن كتر ما هيا سخيفة ضحكت

عمرك خنقتك الدنيا
 مع نفسك كده هيست

عمرك سبتها من غير ما تحاول
مش قلة حيلة عشان طنشت

عمرك طلعت فى دماغك تخرج تتمشى
وفوسط السكة غيّرت طريقك ورجعت

عمرك عشت فى موقف حاسس تانى مرة تشوفه 
 وتحاول تشرح ده للناس فيقولو خلاص أنت أدروشت

لو أنت ده كله متندمش

فى حياتك أعمل مابَدالك

وأن كنت فى نظر الناس مجنون ... فى كتير غيرك هيكونو أجن

2011/09/17

تفاءلوا



ليس هناك ما يدعو للتفائل ولذلك وليس بالرغم منه ... تفائل

 وبالتأكيد لا تتعلق جملتى السابقة بأن" الدنيا حلوة " ، لأنها ليست هكذا طوال الوقت

ولكن تفائل للهدنة .. فالآن أو لاحقا سوف تجد ما يجعلك تعود إلى اليأس والأستسلام والأكتئاب

تفائل من أجل التغيير فمشاكلك لن ينهيها يأسك أو حزنك

 تفائل أستعداداً لما هو قادم

 تفائل حتى لا تعتاد الحزن فتفقد حتى شعورك به

 تفائل علها تصيب هذه المرة ويصبح لصبرك معنى


  ( تفاءلوا بالخير تجدوه )

2011/09/06

كلام والسلام 3



.  لأن حياتى تعتمد عليهم وتكتمل بهم يؤلمنى أفتقادهم

. فى حياتنا نتمنى شئ من أثنين إما أن تتجسد أحلامنا لتصبح واقع ، و إما أن يشرق واقعنا بعد أن هال كشبح لكابوس

. فى الوقت الذى تتحدث فيه عن أسؤ جراحك تكون قد نجحت فى التخلص من أكبر أسرارك

. لا يعنى الجمال كمالى ..... فكمال الجمال فى بواطن الأمور ، ولا يعنى وجودى بقائى ... فالبقاء لا يعنى الخلود ، ولا يعنى أبتسامى سكونى .... فطوفان البحر يأتى بعد جزر وركود

. ودائما ما تعنى الكلمة أكثر مما تلفظه فقط كيف ومتى تقال هو ما يجعلنا نفهم ما تعنيه

. ونعود على أمل البقاء ليذكرنا وجودنا لما كان أبتعادنا من الأساس

2011/08/30

صباحكم عيد


                            صباحكم عيد ... صباحكم سعيد :)

                                       كل عام وأنتم بخير

2011/08/22

فقير غلبان



وبتلخبط فى وسط زحمة الأيام
فيظهر نورك يمحى الضلمة والأحزان

وأفرح بس عشان عارفة فى غيرى كتير
ويمكن يعرفوك أكتر
لكنك جمبى تغفرلى
فأرجع تانى أكون فى أمان

وتحصل حاجة تثبتلى
بأنى مهما أتمنى
ففى المكتوب أكيد أحسن

وبعد أما أفهم الحكمة
تعلّمنى
بأنى حتى مهما وصلت
فبرضه هبقى فى وجودك
فقير غلبان

2011/08/11

سجين فى الطين



ولأن خيالك ممكن جدا يسرح بيك
ويصوّرلك أن أنت بثورة ممكن ترجع أراضيك
مش صح أسيبك لطموحك ... جايز يغريك
نختصر الوقت ... تنسحب أنت وتختارلك أى مكان تانى
أهو برضه يكون نوع من التغيير
.
.
.

أنا مصر مكانى وعنوانى
وأن ضاق الكون من حوليّه
هختارها وأعيش لو حتى سجين
وبحسبه بسيطه مهيش فارقة
عارف مش فجأة هكون فى السما
من بعد ما غوصت سنين فى الطين

2011/08/05

محتاجة أصدق




محتاجة أصدق فى اللى جاى
محتاجة أشوف بعينى بداية الطريق .... أنه قرب مش بعيد


محتاجة أحس بقرب ناس لسه عنى بيسئلوا
رغم المسافة والمشاغل و الظروف

محتاجة أرضى بس نفسى
حتى لو وصلنى ده أنى دايما أكون لوحدى

محتاجة أعيط ..... أضحك أو أصرخ ... أنفعل
أى رد فعل يحصل ، أبقى بيهم لسه كائن حى بأفرح و أنزعج
 
محتاجة حاجة تختلف عن شكل يومى وعن حياتى
أقوى بيها أنى أكمل
أنى أصدق فى اللى جاى

2011/07/31

رمضان كريم



                            ۩ ​رمضان كريم ۩

                                     :)

2011/07/26

الوحدة الأستجمامية



مع آخر صوت يمر عبر غرفتى وفقط فى هذه اللحظة يبدأ شعورى بالوحدة ..... ولكنها وحدة إستجمامية فليس كل وقت يقضيه الأنسان مع ذاته هو وقت غير مفضل _مكروه.


أن للوحدة أشكال عدة ومعانى كثيرة ولكنها ليست دائما بالشئ السئ ، فإذا كانت لديك الشجاعة الكافية لتحمل ماسوف تواجهك به نفسك حينها فقط لن تنظر إلى الوحدة بهذا المعنى .


هى وقت فريد من نوعه يعطيك الحق أن تصنع لحظات من الصداقة مع النفس ..... نعم صادق نفسك ، إن كثيرا منا ومع أحداث الحياة السريعه وتدافق الأشخاص فيها يفتقد هذا المعنى ، هى لحظة وعى للذات ... لما تريد ، من ماذا تشكوا ، ماذا تحب ، الى ماذا تطمح ؟؟؟


هو شعور يجعلنى أتسائل لماذا نهمل انفسنا الى هذه الدرجة فى حين نعطى الأخرين اهمية أكثر مما يجب ، و أوقن ايضا أن المشكلة هى ليست فى معنى الوحدة ذاته إذا ما نظرت إليه كونه وقت مستقطع من الحياة .... الأشخاص .... الأشياء تصنع فيه حياة وسيناريو خاص بك انت فقط.

اخلق عالمك الخاص دون التخلى عن الجزء الأساسى منه.

2011/07/17

تحفة نادرة



مش عايزه واحد منكم
مش عايزه واحد فكره يشبه فكركم
زهقت من سوء أختياركم
ومن بساطة كل حاجة فى عرفكم
.
.
.
فى وجودى جمبه يبقى واثق من قراره 
 يوهب لى كيانه
مبقاش فى قلبه
وعقله فى اللى بعد منى فاته
ولو مصر يكون أنانى 
 ينسى يبقى عشانه حبى وأحتمالى
.
.
.
مش عايزة واحد أبقى آخر أنجزاته
زى أى تحفة نادرة فى مجموعاته
مش هعيش له نسخة تانية من حياته

2011/07/12

سلك السماعه



مصطفى إبراهيم
برنامج من الميدان مع إبراهيم عيسي
لو عجبكوا كملوا بقيت الحلقة ... مش هتندموا :)

2011/07/08

علشان قسمة ونصيب


تعودت كثيرا ان أبرر كل ما يحدث دون ارادتى فى الحياة أو بالأصح اى شئ وكل شئ يحدث دون التوقيت الذى أراه فيه مناسبا أن ارجع ذلك الى أحدى الأقاويل المتداولة " علشان قسمة  ونصيب"
 وأن أتوقف عن سؤال نفسى "لماذا" حدث ذلك متفادية العديد من الأجابات المقتضبة والغير واضحة .... الى أن يأتى الوقت الذى تنقشع فيه غيمة السؤال وتظهر الأسباب واضحة باعثة فى نفسى قدرا من الطمأنينة والرضا
بشكل أو باخر اصبحت هذه أحدى عادتى التى أستمتع بالأستسلام لها دون الندم ولكن بالتأكيد مع قدر قليل من الألم
فالمجهول يؤلم ويعطى أحساسا كبيرا بنفاذ الصبر مهما كانت مدته وسببه ولهذا السبب دون غيره أصبحت تجمعنى ألفة غريبة بهذه الجملة 
 وان كان ما اتمناه لم ولن يحدث فالسبب الوحيد الذى أعرفه ( علشان قسمة ونصيب )

2011/07/03

الجانب الزجاجى




سأمت تجسيد دور الجانب الزجاجى من حياة الآخرين ... ذلك الجانب الذى دائما يخافون عليه لمجرد الخوف

هو شفاف
يتأذى بمجرد اللمس
لا يجب تركه فى أى مكان
غير مسموح لأى شخص أى كان أن يحفر عليه مايشاء

فى حين يقبع الحلم بداخلى يشجعنى لأتحرر .. لأكسر كل قيودهم ، محتمل أن أنجح ... محتمل أكثر أن أخفق

مخاوفهم لا تجعلنى أختبأ .... لا تقنعنى بالأبتعاد ، تجبرنى أكثر على الأندفاع حتى وأن قادنى هذا الى حافة الهاوية

مخاوفهم تجعلنى أخشى الأقتناع ....  بأننى لابد حقا أن أخاف

2011/07/01

أبعد مكان



تاه وسط الزحام فكر في ابعد مكان ينسي فيه اللي راح
واللي صار و كان ورا موج و بحر و شمس و ليل

أبعد غابة و أبعد سيل ينسى الماضي
و يفضل لحنه الهادي يرجع زمان من أبعد مكان


تاه وسط البيوت و الذكرى مش بتموت
فاكر إنه الحل يهرب و ينسى الهم

ورا موج و بحر و شمس و ليل
أبعد غابة و أبعد سيل ينسى الماضي


و يفضل لحنه الهادي يرجع زمان من أبعد مكان

2011/06/29

نية توبة



الحجاب مش بس طرحة 
 الحجاب يا بنات مصارحة
 تبقى فيها التوبة صالحة.

يعنى جوه هو هو يبقى بره
 الحجاب لما يشفوكى مسلمة
 وبيعرفوكى متفهمة متدينة.

لما تصبح الأبتسامة هيا أسمك
والسماحة تكون فى وصفك
 ولبساطتك حلو أصلك .

هيا صعبة عارفة وحده  (عز و جل ) هو يقدر عالكمال 
 بس سهلة أنك تحافظى على شكلك فى الحجاب 
 يعنى مش موضة وبتطلع أو قرار ترييح ضمير .

لما تنوى أنوى تبقى نيه خالصة 
 نية خالية من ضغوط ... من شروط ... من أنسحاب .

(هيا نية توبة بادية بالحجاب )

2011/06/27

حضن العيلة



مهما بعدت ومهما قسيت
 لفيت أو دورت 
 برضوا تحن لحضن العيلة

حضن العيلة احساس باللمة
احساس بالفرحة
بخالة وعمة

زحمة عيد 
 صوت ضحك بعيد 
 لعب و جرى لطفل سعيد

لسه انا فاكره
فاكرة الحوش وسلالم البسطة 
 زينة رمضان والتكبيرة لكل أدان 
 حجات وان شفتها حتى بسيطة
 عمرك برضوا ما تنسى تحن لحضن العيلة

حضن العيلة يساع من الناس ملايين وألوف
اصل حقيقة صلة الدم مش بس حروف 

 طب كده فكر فيها وخمن صاحب أخوك أو حتى قريبك
جه كام مرة فى زيطة ... فى لمة علق فيها النور والزينة 
 طب كام مرة جالك فيها لحد البيت "بيت العيلة "

اوصفلك اكتر طب حاجة اسهل 
 طلع صورك وانت صغير
قلب فيهم حبه ودور
 شايف مين !؟
 برضوا العيلة

واللى يزعل مش فكرت وقت وبقى اسرع 
 اللى حقيقى بجد يضايق
انك وسط الناس والزحمة
 تنسى للحظة حضن العيلة

2011/06/20

أكثر من الهدوء




شخصية صادقة + حديث جذاب = شخص غير جدى (الأستاذ عاطفى )
انا لا أتحدث عن عروس ماريونت أو أحد شخصيات فيلم رومانسى بل عن واقع تناسى ضرورة وجود هذه الشخصية ولم يكتفى بذلك بل وضعها ايضا فى أطار المختلف لا للأقتداء به ولكن للحفاظ عليه من الأنقراض.

الأستاذ عاطفى هو شخص طبيعى لايزال يؤمن بضرورة التعبير عن الأمتنان والشكر عندما يحدث ما يريد ، أو الأعتذار عندما يفعل ما لايتقبله الأخرون .... وما الى ذلك من أشياء على حافة الهاوية للأختفاء ،ان هذا الشخص هو  الطبيعى ولكن تقبل الآخرون لما هو سئ من البعض  جعل منه شخص عاطفى _ فريد.

أعلم دائما أن تقبل الأخرين لتصرفاتك (سيئها أو أفضلها ) لا يعنى موافقتهم عليها ، عندما تدرك هذه الحقيقة فقط فى ذلك الوقت سوف تكون قد وافقت على التخلى عن أناتيتك والتسليم بحق من حولك فى جزء من أهتمامك النابع من أرادتك الشخصية وليس مجرد حاجتهم اليها.

(لا تنخدع بصمت الأخرين فكثيرا ما يخفى الصمت اكثر من هدوئه )

2011/06/16

بلاها تعيش


لو مش عايز تحلم ... يبقى بلاها تعيش
وفر تعبك وأنسى ... لو هتحاول برضه ده ميكفيش

الأحلام أوهام ...... توعد ومتوفيش

وأفضل دايما خايف ... بكرة فى يوم ميجيش
.
.
.
كبر يأسك علّيه وأبني سور حواليك
وأعرف مهما هتبنى ربك هو حاميك
خوفك مش هيأجل حاجة كتبها عليك
.
.
.
عيش فى الدنيا وعافر .... منك تآخد مرة
تعند انت معاها وفى التانية متديش
لو هتخاف من الحلم يبقى بلاها تعيش

2011/06/15

عن النساء




ليس الحديث عن النساء محرم ، لكن دعونا فى البداية نتفق للنون حق وكل رجل مرغم
.
 أنت الرجال ترون قلبى مسكنا للعاشقين وبالحنان ملبدا .
  
 تأتونى بحثا عن حبيبة غامضة عن حلم مطموس الملامح ضائع .

ولحبى .... أفنى عمرى فى الليالى راضية ، أبكى وأضحك وأواسى همه صابرة وفى النهاية تأتى الخيانة ساحقه
 .

تنساب دموعى نهرا دون توقف .... دموعى حزنا تجرى ولاءا خلف حبا ضائعا
.

يغريك فيا نقص عقلى .. لا .. يطمعك ، فلنقص عقلى يظن مثلك أن قلبى خاضعا
 .

ما جئت طلبا لحقى فى تساوى زائفا ، لكنى جئت لأعترف وبكل فخر بأننى كائن هلامى لربما جاءت دموعى صادمة أو حتى قلبى خاضعا ... لكنى دوما يارجل سأكون ملجأ أمنا يرويك دفئا ينقذك

2011/06/12

كلام والسلام2



ولم أعد أعرف أيغضبنى قسوة ما فعلت أم هو غضب من كونك أنت الفاعل
من الصعب أن تعيد ترميم ما أوشك فى الأساس على الأنهيار
يسهل  دائما خلق المبررات ولهذا فكونى لا أقتنع لا يحتاج منك الى هذا القدر من الأعتراض
وما أشبه روحى بمحطات القطار .... بعد كل فراق تنتظر اللقاء وفى كل لقاء تعرف الفراق
أجعل مشاعرك كبئر.... لا يصل اليها الا من يتحلى بصبر الوصول الى أعماقه
ينصحوننى دائما بأن أعامل الأخرون ممن يسيئون لى بالمثل ويتغاضون عن حقيقة أن مثل هؤلاء  لن تؤثر بهم معاملتى لهم بالمثل
أتعجب كثيرا عندما أقرا كتاباتى وأعتقد بأن بداخلى شخصين أحدهما يحلم فيكتب والآخر يعلم فيفعل
وازن المسافة بين أحلامك وأفعالك فهما ان تقاربا نجحت وان تباعدا أنتهيت
ولم تعد كلمة أحبك تكفى فالحب عطاء ومشاركة ... وان كنت أنت تعطى .... فأنا لم يعد لدى الرغبة فى المشاركة
ثقيلة هى الأسرار عندما تود البوح بها ولا تستطيع .... ففى البوح راحة من هموم سكنتك و فى الكتمان راحة من هموم تتبعه

2011/06/11

أنتى السبب



لو حسه زى بالأختلاف اللى فى فراقك لى حصل
 فالفضل مش محتاج دليل انتى السبب
أنتى اللى علمتينى ازاى يكون قلبى حجر
ونسيتى وعدك تبقى ليا ... بقيت بخاف كل البشر
اللى كنتى تعرفيه انسان برئ
الغدر طبع مكنش فيه
 أنسيه خلاص واستعوضى صبرك عليه
انا بس خايف عاللى بعدك
لو فى يوم توصل لقلبه متلاقيش غير الانين
نسيتى ليه !؟
 وليه حبيته !؟
 ولما قررتى تبعدى عنه ... تسيبه
 مشيتى واخترتى فى قصة حب خلصت تسجنيه.