2011/10/09

نور ضعيف



نور ضعيف من بعيد
يبتدى خطوة فخطوة  
 ألمحه .. أكتر يبان
والمكان اللى رايحله
مكنش نفسه
اللى بحلم بيه تملى
أو بشوفه فى المنام
وبرضه لسه هفضل أمشى
لأنى عارف هى مجموعة بيبان
تبتدى بالصعب دايما
ولكل واحد أتجاه

فى الطريق هتشوف كتير
ناس بتهوى الأنتظار
اللى تاهو فى الندم
واللى لوم الناس وسيلته للوصول
أختيارك أو طريقك
 فى النهاية
 حاجة ترجع ليك لوحدك
أختبار للصبر ؟؟ .. ممكن

قصر الكلام آخر الطريق
هو آخر فرصة تفضل
فيه الدليل
لو كنت فعلا تستحق
أتعب عشان النور يبان





هناك 8 تعليقات:

سواح في ملك اللــــــــــــــــــه- يقول...

الله يانسمة

انا حاسس انك هتبقي حاجة كبيرة اوي

في الاشعار والنثر

ماشاء الله عليكي ربنا يبارك فيكي وفي

موهبتك الجميلة


((
فى الطريق هتشوف كتير
ناس بتهوى الأنتظار
اللى تاهو فى الندم
واللى لوم الناس وسيلته للوصول
أختيارك أو طريقك
فى النهاية
حاجة ترجع ليك لوحدك
أختبار للصبر ؟؟ .. ممكن))

رائعة

تحيتي

حاولي تشوفي طريقة

ان تدويناتك تظهر

انتي خسارة انك مستخبية

مش بشوف تدويناتك غير بالصدفة

تحيتي للفيلسوفة الصغيرة

Aya Mohamed يقول...

جميلة جداا والصورة تحفة
تسلم ايدك :)

عازفة الالحان يقول...

غُربة روحْ تنشر على الدربْ اللون الرمآدي

وتكون نظرتنآ رمآدية

لحرفك بآقة
دمتي بخير

nesma hatem يقول...

خالد
ثقتك دى تكفينى والله

شكرا جدا بجد على التعليق الرائع وهحاول ان شاء الله

:)
تحيتى

nesma hatem يقول...

آية

تسلمى ياقمر ... اتفضليها

نورتى
:)

nesma hatem يقول...

عازفة الألحان

أسعدنى مرورك
شكرا
:)

ابوسفيان يقول...

يسعدني ويشرفني ان انضم اليكم والى هده المدونة الجميلة الرائعة وتسجيل اعجابي بها تقبلو تحياتي

nesma hatem يقول...

ابوسفيان

أسعدنى أكثر.
تعليقك أجمل
نورت المدونة
:)
تحيتى