يارب

يارب بكتبلك باخر حبة فاضلة من الأمل 
 صبرى دايما عالبلاء مش كلام
 فعل وعمل

 يارب ظنى بيك كبير 
 خليك معايا فى كل خطوة
وأهدينى للى تشوفه خير

يارب يبقى ختام حياتى فى سجدة ليك 
 فيها استغفر ذنوبى اتوب اليك


يارب نفسى عليه ترضى .
فى ثانية ترزقنى بسكينة قلبى يهدى


يارب انت اللى حاسسنى فى همى
فرجلى كربى فى كل ضيق


 يارب عارفة انك شايفنى 
 ودعائى ليك اقرب صديق


يااااااااااااااااارب

كلام والسلام 1

_وعندما أستيقظ فى كل صباح أعاهد نفسى على قضاء يوم سعيد واستغلال كل ما يحويه من دقائق لراحتى والتغاضى عن أى شئ يمكن ان يعكر هذا الصفو ..... فى هذا اليوم سأكون أكثر صبرا .... سأكون أكثر تسامحا .... أسمى روحا .... فى هذا اليوم سأعظم نفسى وأدللها .... فى هذا اليوم سأنسى كل من حولى ..... فى هذا اليوم سأضعنى فوق كل أهتماماتى سأكون انا لنفسى ونفسى لى ... ولكم تكررت العهود فى أنتظار هذا اليوم و لكم مرت الايام !؟

_أترك لهدوئك ساعات أعطى لخيالك حق الفكر .... جرب لو مرة يمر الوقت ، لا تقلق لن يحدث شئ .

أغلق هاتفك للحظات أستسلم لمرور الأحداث صدقنى لن يحدث شئ .

أنظر للعالم من حولك يسرع فى خطاه كالمجنون قد أمسى كذلك منذ قرون لم يحفل حتى لثوانى أو حتى لكونك مهموم

_أهم الطيبون الذين واكبوا الفناء .... ام نحن الذين لم نعد نشعر بأن فى الدنيا أمان !؟ 

_قليلون هم من يستحقون الحب والتقدير والأحترام ...... وقليلون ممن يستحقونه يحصلون عليه !؟

_لأن حبك لى لايعرف أى قيود أو حدود ... فحبى لك لا يحتاج الى شروط

_أحيانا يستطيع شخص ما أن يجعلنا نضحك حتى الدموع ولذلك فكثيرا ما تأتى دموعنا أفتقادا لضحكات الشخص ذاته

_أعلم أنى أخذت الكثير من الوقت لأعى بأن النهاية ليست فى شخصك ولن تكن حتى نسيانك ولكن أثق فى كونى أحتاج لوقت أكبر أداوى سوء فقدانك

قلم رصاص

على الرغم من اننى لا اتذكر فترة طفولتى كثيرا ... الا اننى أعلم جيدا أن من أكبر أحلامى وتطلعاتى وقتها كان ( أمتى هستخدم القلم الجاف بدل الرصاص !؟ ) :)

أختيارتنا فى الصغر تكون بمثل هذه السهولة لانه لا يطالب منا الا الأختيار ولكن تنفيذ هذه الأختيارات وتحمل مسؤليتها يحدث عادة عندما نكون على قدر من الوعى لتحملها

فشخصياتنا الحالية ماهى الا نتاج أختيارتنا وأفكارنا نتحمل مسئوليتها بمفردنا دون أن نستطيع أن نلقى باللوم أو حتى نرجعها الى آخرون ، فدور الآخرون يتوقف فقط فى ذلك الوقت عند حاجز الكلام ولكن من يقرر هو نحن ونحن فقط

فشخصيتك ... تجاربك ... مبادئك جميعها أشياء لا يمكن أن تؤثر فيك لتصنفها ضمن كيانك الحالى دون أن تقوم بها أنت  .... تخطأ أحيانا وتصيب أحيانا أخرى ولكنك فى نهاية الأمر يجب أن تدرك شكل الصورة التى تريد أن تكون عليها وتصر على تشكيل هذه الصورة بصورة تقارب ما تطلعت اليه

ولذلك تذكر دائما انه يحق لك الأختيار والقرار فقط لأنها وحدها ما يحدد شخصيتك ومستقبلك

أعلان وفاة

 الأسم :عم سيد

عم سيد اسم فردى لشخص عادى
 شخص بعرفه من بلادى

عم سيد اصله طيب  
حد كده من اللى فضلوا سنين يقولوا مصر هيا اهم شئ 
 المهم تكون بخير

حد كان مؤمن بمبدأ  مهما طال الضلمة نور 
 حاجة يعنى قصده تشبه انتظاره للشروق

واما خدتي اللى كان فى الأصل حقك
علشان يثبت قد ايه من قلبه حبك
 سهر معاهم بره يهتف
 (مصر شافت النهار جابت تانى انتصار )

عم سيد صبره ويا حسن ظنه هما عيبه 
 كان يفكر ان ضغطه وضعف قلبه سببه همه وفقر جيبه
 مكنش يعرف ان ضغطه وضعف قلبه
 كان لهمه او لغيره 
 ضمنه ضمنه 
 بنهب خيره

كان يعيب على اللى سافر واللى هاجر
 " خلى طمعه هناك يدينه 
 فاكر هينجح !؟
خليه يروح 
من وسط ميت مليون مهاجر  فاكر بسفره هيداوى الجروح
خليه يسافر
 خليه يروح "

عم سيد مات يامصر

مات وهوا بيبتسم
مات بفرحة عام جديد 
 عام سعيد
مات بيدعى لكل واحد خير يزيد

مع أنه ميت من زمان
عم سيد مات يامصر
مات زمان من الأنهزام

وأعذرونى ان كنت طولت الكلام 
 والعزاء قاصر وبس لكل مصرى
 لكل من امن بمبدأ عم سيد

أسهل من كده

 ياريتها الدنيا أسهل من كده 

 ياريتها تبقى أبسط من كده

ياريت لو أقدر أسأل وأنسى حيرة الجواب

ياريت الناس بتفهم أو تقدر .... سهل جدا العتاب

 ياريته سهل دايما الأعتذار ... يطلع لأنه عفوى منا مش قرار

ياريتنا ننهى خوفنا من القرار ..... نلغى فترة الأنتظار

ياريتها تبقى أسرع .... مشاكلنا وقت وتنتهى ، نفرح بلحظة الأمان


ياريت لو أقدر أضحك كل يوم على حاجة تحصل مش لموقف عشته مرة من زمان
  
ياريتنى .. أعرف أغير أى حاجة من اللى فات ...... أبقى نفس البنت لسه بالضفيرة قاعدة تسمع فى حكايات