2011/05/03

أسهل من كده







 ياريتها الدنيا أسهل من كده 

 ياريتها تبقى أبسط من كده

ياريت لو أقدر أسأل وأنسى حيرة الجواب

ياريت الناس بتفهم أو تقدر .... سهل جدا العتاب

 ياريته سهل دايما الأعتذار ... يطلع لأنه عفوى منا مش قرار

ياريتنا ننهى خوفنا من القرار ..... نلغى فترة الأنتظار

ياريتها تبقى أسرع .... مشاكلنا وقت وتنتهى ، نفرح بلحظة الأمان


ياريت لو أقدر أضحك كل يوم على حاجة تحصل مش لموقف عشته مرة من زمان
  
ياريتنى .. أعرف أغير أى حاجة من اللى فات ...... أبقى نفس البنت لسه بالضفيرة قاعدة تسمع فى حكايات

هناك 4 تعليقات:

سواح في ملك الله- يقول...

تمني جميل وبسيط
حنين لبراءة
تحيتي
نسمة بعد اذنك البوستات بتاعتك مبتظهرش
عندي حاولي تظبتيها من الاعدادات
تحيتي

nesma hatem يقول...

هحاول حاضر
شكرا :)

وجع البنفسج يقول...

البحث عن سهولة الايقاع في الحياة المملة والكئيبة ، الحياة الصعبة والمعقدة .. كلها نتمنى تغييرها ولكن بدون فائدة .. كلما حاولنا كلما تعبنا اكثر واكثر ..خليها هيك احسن ..


سعيدة بتعرفي على مدونتك وان شاء الله من المتابعين.

nesma hatem يقول...

اكيد لازم هنقبل بيها كده
نورتى المدونة يارب دايما تعجبك شكرا لمتابعتك :)