نور ضعيف من بعيد
يبتدى خطوة فخطوة
ألمحه .. أكتر يبان
والمكان اللى رايحله
مكنش نفسه
اللى بحلم بيه تملى
أو بشوفه فى المنام
وبرضه لسه هفضل أمشى
لأنى عارف هى مجموعة بيبان
تبتدى بالصعب دايما
ولكل واحد أتجاه
فى الطريق هتشوف كتير
ناس بتهوى الأنتظار
اللى تاهو فى الندم
واللى لوم الناس وسيلته للوصول
أختيارك أو طريقك
فى النهاية
حاجة ترجع ليك لوحدك
أختبار للصبر ؟؟ .. ممكن
قصر الكلام آخر الطريق
هو آخر فرصة تفضل
فيه الدليل
لو كنت فعلا تستحق
أتعب عشان النور يبان
هناك 8 تعليقات:
الله يانسمة
انا حاسس انك هتبقي حاجة كبيرة اوي
في الاشعار والنثر
ماشاء الله عليكي ربنا يبارك فيكي وفي
موهبتك الجميلة
((
فى الطريق هتشوف كتير
ناس بتهوى الأنتظار
اللى تاهو فى الندم
واللى لوم الناس وسيلته للوصول
أختيارك أو طريقك
فى النهاية
حاجة ترجع ليك لوحدك
أختبار للصبر ؟؟ .. ممكن))
رائعة
تحيتي
حاولي تشوفي طريقة
ان تدويناتك تظهر
انتي خسارة انك مستخبية
مش بشوف تدويناتك غير بالصدفة
تحيتي للفيلسوفة الصغيرة
جميلة جداا والصورة تحفة
تسلم ايدك :)
غُربة روحْ تنشر على الدربْ اللون الرمآدي
وتكون نظرتنآ رمآدية
لحرفك بآقة
دمتي بخير
خالد
ثقتك دى تكفينى والله
شكرا جدا بجد على التعليق الرائع وهحاول ان شاء الله
:)
تحيتى
آية
تسلمى ياقمر ... اتفضليها
نورتى
:)
عازفة الألحان
أسعدنى مرورك
شكرا
:)
يسعدني ويشرفني ان انضم اليكم والى هده المدونة الجميلة الرائعة وتسجيل اعجابي بها تقبلو تحياتي
ابوسفيان
أسعدنى أكثر.
تعليقك أجمل
نورت المدونة
:)
تحيتى
إرسال تعليق