2011/12/04

بساطة حلم




مبقتش عارف أخاف من بكرة ولاّ أفرح
ولو هفرح .. تدوم فرحة فى قلبى أزاى وأنا فى حضنك بنام خايف من الحارس
شايل روحى على كفى
وكل سلاحى حلم بسيط ، بأخد التار لدم شهيد وفجر جديد يرجع الأمل تانى
.
.
بخاف تبقى قساوة القلب دى فيكى ... لكن أزاى ، ومن أمتى !؟
عشان يجمعنا صوت واحد لازم يرضى عليه ملايين
ودول قلة
وفى ساكتيين
وناس عايزة الأمان وخلاص ويولع اللى مش عايزيين
.
.
بنتقسم عشان مين !؟
ولما نعادى ونظلم بعض بنبنى مصر تانى لمين !؟
نعيد الثورة من تانى ولو حكمت نعيد تالت
ومش خايف من التكرار
مدام لسه بنخون بعض وبنهرب من مشاكلنا ونتجمل فى إعلام نوصفه بالحُر
.
.
نعيد تانى بشرط
يعلمنا اللى فات أكتر ... يفهمنا ضرورة التغيير

هناك 9 تعليقات:

nesma hatem يقول...

أعتذار
وحشتنى المدونة جدا ... وأسفة عشان متابعتش مدوناتكم مؤخرا
ان شاء الله اتابع تانى زى الاول
بس كده
:)

Aya Mohamed يقول...

اعتذار مرفوض لحد ما نتاكد انك رجعتى تانى بجد :D
وحشتينى جدا وكتاباتك وحشتنى اوى
والبوست جميل جدا تسلم ايديكى :)

ريــــمــــاس يقول...

مساء الغاردينيا نسمه
والف الحمدلله على سلامتك
وبإذن الله ترجع مصر أجمل من زمان
حفظها الله وحفظ شعبها ونيلها"
؛؛
؛
لروحك عبق الغاردينيا
كانت هنا
reemaas

نور القمر يقول...

بوست حلو كثييير شكرا لك ..
مدونه رائعه .. تشرفت بعرفتها ..بالتوفيق لك
نور

nesma hatem يقول...

أية
يبقى أتقبل ;):D
وانتى والله وحشانى جدا

تسلمى يا حبى .. نورتينى :)

nesma hatem يقول...

ريماس
مساء الغاردينيا يا قمر
الله يسلمك
يارب
:)نورتى

nesma hatem يقول...

نور
انا اللى أتشرفت يا جميل
ميرسى على التعليق
نورتى ويسعدنى وجودك دائما
:)

وجع البنفسج يقول...

لازم نفضل نحلم ونحلم .. ولو بطلنا نحلم ح نموت من القهر والوجع ..

ربنا يحفظ لنا أوطاننا دائما وأبدا ..

nesma hatem يقول...

امتياز
اكيد ... يارب امين
:) نورتى