خلص الحداد
أيوه كل واحد فينا قفل
على اللى فات
كل واحد فينا اختار طريقه
وقال سلام
كان حبيبى
وكان صديقى
كانلى أحلى الذكريات
كان وكان
قلت لأ !؟
لأ مقلتش
فى طريق البعد خطوة لابد
فيها من الفراق
حتى لو قررت ترجع وتعيد
تانى المحاولة
برضه عمر الأختيار ما
يكون فى أيديك
لازم الأول رفيقك يبقى قد
الأنتظار
كانت أحلامى بسيطة
حتى عمرى ماكنت عايزه زى
كل الناس ما تحلم فستان أبيض وطرحة ،
كل ما تمنيت فى يوم أنى
أصحى أحس بس بقربه جمبى
وأنى مش محتاجة أخاف أو
حتى أشك فى حبه ليا وهو قلبى
كنت أنام وأنا نفسى أحلم
بيه ليوم ما هشوفه تانى
كان كلامنا يدوب ثوانى
وإن شافوه الناس ساعات
وأبقى ناسية أى حاجة وكل
حاجة لما بس بكون معاه
حتى لو مضايقة أفرح
وأن كشفنى بخفة بضحك
وأقوله أنسى
بكره جى هيبقى أحلى من
اللى فات
وبكره جه
دار كلام كتير مابينا
والسكوت كان بس فاصل لما
جت كلمة فراق
، جت وبسهولة وبساطة يمكن
أسهل من بحبك
وقتها كان القرار
حتى وأن كان مرار
بس عمرى فى يوم ما أوافق
ابقى رهن الأختيار
هناك 10 تعليقات:
والسكوت كان بس فاصل لما جت كلمة فراق
، جت وبسهولة وبساطة يمكن أسهل من بحبك
اه والله :D ... يااااه فكرتيني بحاجات كتيرة جدا جدا :(
البوست كله رائع ومتميز كالعادة :))
الموضوع ده طازة اوى..بوست جميل كالعادة.
تقبلى مرورى وتحياتى..دمت بخير
حلو اوي المقطع الاخير
بس عمري في يوم ماوافق ابقي رهن الاختيار
جميل يانسمة
احساس جميل اوي
تحيتي
طب ده بجد ولا حقيقي
بس عمرى فى يوم ما أوافق ابقى رهن الأختيار
رغم كل الالم اللى هيسببه الاختيار ده لكن صون الكرامة ولا حلاوة الحب
برافو
نور
هههه شكلها مكانتش حجات حلوة خالص
مرورك متميز دائما
:)
حبيبة
شكرا جدا
تحيتى ... نورتينى
:)
خالد
جميل بس مش سهل للأسف :(
تحيتى
:)
محمد
اللى أنت عايزه
:)
ريماس
أكيد جدا .. ميرسى
نورتينى
:)
إرسال تعليق