2012/05/28

خفت أحبك !؟




لما جيتلى وقولتلى انسى الزمان
انسى كل الناس معايا
انسى المكان 
 وافتكرى بس حبى اللى كان

معرفش ليه مفهمتهاش !؟ 
 معرفش ليه خدت القرار ومقلتهاش
 (بحبك)
ولاّ يمكن قلتها ومسمعتهاش ؟

أيوه خفت انى أحبك
 خفت أتوه وأحلم معاك

خفت أنسى الكون بحاله
 رهن بس أكون هواك

خفت دايما من القرار
خفت أخاف من الأختيار

مش خوف ده منك او عليك
 ده خوف عليا
لحظة فراق يسألنى قلبى عن عنيك

ومهما ترجع تانى تسأل عن أمل أو حتى فرصة
بحس منك شوق ولهفة
بحس ليه بالأنتظار !؟

مع أنى دايما كنت خايفة  
خفت أحبك
خفت أخد القرار


هناك 8 تعليقات:

rona ali يقول...

اولا يعنى كدهو
وحشتينى يابنتى جدا بيجد :)

ثانيا دايما الخوف بيمنعنا ناخد خطوات كتير
خاصه لما بتخافي علي قلبك بس عارفه انا مقتنعه دايما انا لما بيجى الشخص المناسب قلبك لوحدوا من غير مقدمات بيكون لي من غير اى تفكير او خوف
طول ماهو مجاش بنفضل خايفين لاننا بنحس بالتهديد بالرحيل :)
وبس بسات :)

SHARKawi يقول...

في الحقيقة كلماتك رائعة .
وعندما انتهيت من القراءة .
وجدت هذا الاسلوب المتناسق ، السهل البسيط ، العادي العامي ، المليء بالاحساس .
الملي بنبض الحب ، فية وجدت ماضي ، وحاضر ، ومستقبل . ووجدت من بينهم الخوف .
ولن اكذب عليكي عندما اخبركي اني بمجرد الانتهاء ذهبت الى شخابيطي اعيد ذكرياتي واقرأ كلماتي . فكلماتك ربما هي الملخلص المفيد لكلماتي .
ربما فشلت في ان اصل باحساسي وكلماتي الى الكثير هذا لكثرة ما وصفتة . ولكنك بكلماتك البسيطة الخفيفة القليلة والكبيرة وصلتي الى قلبي وعقلي .
وبعد ان قرأت ايضا تعليق رونا راجعت نفسي وراجعت ايضا شخابيطي ووجدت ان الخوف كان دائما هو الخسارة هذا معي .
ولكنه ربما يكون في احيانا اخرى هو الأمان حيث ان الكتمان ربما ما يكون اجمل من الاعلان .
ولن أطيل في كلماتي أكثر مما أطلت .
ولكني فقط أشكرك على هذا الاحساس واشكرك على قراءتي لتلك الكلمات .
تحياتي وتقبلي مروري

ريـــمـــاس يقول...

صباح الغاردينيا نسمه
رغم الخوف هناك مشاعر تنتصر
والحب أجمل إحساس مهما خفنا منه وعواقبه"
؛؛
؛
لروحك عبق الغاردينيا
كانت هنا
Reemaas

سواح في ملك اللــــــــــــــــــه- يقول...

الشاعرة الرقيقة

الخوف ترمومتر لخطر قادم وهو في بعض الاحيان ميزة

والافراط في الخوف مرض


رائعة دائما يانسمة

nesma hatem يقول...

rona
وانتى والله جدا ووحشانى كتاباتك اوى بقه :(
الخوف أن نعتاد الخوف دون تمييز
:)
سلامات

nesma hatem يقول...

sharkawi
أضافة لى أن تعبر كلماتى عن بعض من أفكارك .
الخوف دائما خسارة فى رأى حتى وان كان فى البوح خسارة فبالتأكيد لن تكون كندم الكتمان ... أعتقد يعنى
تعليقك أسعدنى كثيرا ومرورك أيضا
نورتنى
:)

nesma hatem يقول...

ريماس
بالتأكيد
:)
تحيتى

nesma hatem يقول...

خالد
الحل فى أن تعرف متى يجب تتوقف قبل ان تصل لمرحلة المرض
وهنا تكمن المشكلة
رائعة بمرورك
تحيتى
:)