2013/02/07

جوه زحمة




أرمى نفسك جوه زحمة
جوه ضحك الناس
أو حتى جوه مناقشة حادة
أنسى الكلام جواك

حط قلبك جوه غنوة

دندن
مش شرط نفس المقام

نَسّى نفسك كل حاجة

وأفتكرها ( هى ) بس
( هى ) أى حاجة حلوة فى الحياة
شغلك ... حبيبتك .. أهلك ... هوايتك 

أنسى نفسك

وفكر فى كل الناس

غيظ بضحكة

 هم شايفك
قوله ده مش أسلوب حياة :)

أرمى نفسك جوه أوضه

ضيق أوى عليك المكان
وأرجع دور عالبراح
جوه حاجة خنقاك

كون زى ما تحب

لو حتى كنت ده جواك

أرمى نفسك جوه قلبك

طبطب عليه أوى
قوله آسف .. أحيانا مضطر أكون أنسان

هناك 10 تعليقات:

Habiba يقول...

كون زى ما تحب
لو حتى كنت ده جواك
روعــــــــة
أنا هاجى هنا كتيير بقى ^_^
ما شاء الله تســلم إيدك :)

aya mohamed يقول...

غيظ بضحكة
هم شايفك
قوله ده مش أسلوب حياة :)

روووووعة يا نسومة
استمرى مش تغيبى تانى :)

faroukfahmy يقول...

انت مش تفاصيل مختصرة انما تفاصيل حالمة آمله
اضفت للامل آمال وللابتسامة ابتسامات
شكرا لك
الفاروق

~ISLAM~ يقول...

قوله آسف .. أحيانا مضطر أكون أنسان
~~~

فى كلام كده بلاقى نفسى واقف ادامه متنح وبقول هو ده حقيقى


الحياة كإنسان من اصعب ما يكون
الفرح فكرة جميلة لازم متروحش من العقل

ابداعك جميل


nesma hatem يقول...

حبيبة

انتى تنورينى دايما
:)

nesma hatem يقول...

آية
علم وينفذ
انا هون
:)

nesma hatem يقول...

أ-فاروق
الشكرا لحضرتك
تعليق حضرتك دايما بيشجعنى
:)

nesma hatem يقول...

~ISLAM~
مبسوطة انه عجبك
تعليقك أجمل
:)

شاب فقرى يقول...


أرمى نفسك جوه قلبك
طبطب عليه أوى
قوله آسف .. أحيانا مضطر أكون أنسان


آسف
لازم أفضل دايما إنسان :)

عجبتني
ماعدا السطر الأخير
واديني قلت كان نفسي يبقى ايه
:)

إلى تعليق آخر يا عزيزتي نسمة وزيارة أخري

كريم
شاب فقري :D

nesma hatem يقول...

كريم
شاب فقري

:D تعليقك خلانى أسال نفسى عن سبب أستخدامى المعنى السلبى لكلمة أنسان
وبعيد عن الأجابة ..
تعليقك أضافلى جدا
إلى تعليق آخر
شكرا لمرورك
:)