الأسم :عم سيد
عم سيد اسم فردى لشخص عادى
شخص بعرفه من بلادى
شخص بعرفه من بلادى
عم سيد اصله طيب
حد كده من اللى فضلوا سنين يقولوا مصر هيا اهم شئ
المهم تكون بخير
حد كده من اللى فضلوا سنين يقولوا مصر هيا اهم شئ
المهم تكون بخير
حد كان مؤمن بمبدأ مهما طال الضلمة نور
حاجة يعنى قصده تشبه انتظاره للشروق
حاجة يعنى قصده تشبه انتظاره للشروق
واما خدتي اللى كان فى الأصل حقك
علشان يثبت قد ايه من قلبه حبك
سهر معاهم بره يهتف
(مصر شافت النهار جابت تانى انتصار )
علشان يثبت قد ايه من قلبه حبك
سهر معاهم بره يهتف
(مصر شافت النهار جابت تانى انتصار )
عم سيد صبره ويا حسن ظنه هما عيبه
كان يفكر ان ضغطه وضعف قلبه سببه همه وفقر جيبه
مكنش يعرف ان ضغطه وضعف قلبه
كان لهمه او لغيره
ضمنه ضمنه
بنهب خيره
كان يفكر ان ضغطه وضعف قلبه سببه همه وفقر جيبه
مكنش يعرف ان ضغطه وضعف قلبه
كان لهمه او لغيره
ضمنه ضمنه
بنهب خيره
كان يعيب على اللى سافر واللى هاجر
" خلى طمعه هناك يدينه
فاكر هينجح !؟
خليه يروح
من وسط ميت مليون مهاجر فاكر بسفره هيداوى الجروح
خليه يسافر
خليه يروح "
" خلى طمعه هناك يدينه
فاكر هينجح !؟
خليه يروح
من وسط ميت مليون مهاجر فاكر بسفره هيداوى الجروح
خليه يسافر
خليه يروح "
عم سيد مات يامصر
مات وهوا بيبتسم
مات بفرحة عام جديد
عام سعيد
مات بيدعى لكل واحد خير يزيد
مات بفرحة عام جديد
عام سعيد
مات بيدعى لكل واحد خير يزيد
مع أنه ميت من زمان
عم سيد مات يامصر
مات زمان من الأنهزام
عم سيد مات يامصر
مات زمان من الأنهزام
وأعذرونى ان كنت طولت الكلام
والعزاء قاصر وبس لكل مصرى
لكل من امن بمبدأ عم سيد
والعزاء قاصر وبس لكل مصرى
لكل من امن بمبدأ عم سيد
هناك تعليقان (2):
جَمِيلَه يـآ نِسمه جداً ..
رَبنا يِرحَمُهْ ..
مَصر رجعت ولآبسَه جديدْ ..
ونـآسْ كتير
أكيدْ كانت بِنفس إيمان " عم سيد " ..
ومـآزآلتْ ..
:)
يارب ياسارة فعلا يكون فى زيه ... بقت أجمل بتعليقك :)
إرسال تعليق