2012/01/29

للحظة.


تردد 
خوف وتأكيد
للحطة قبل ما تقرر
تلاقيهم غزوك فجأة
ومهما تبقى متأكد
تدخل حبة فى حيرة
هتتردد
لانه عمره ما هيحصل
ويرجع الزمن بينا
لنفس اللحظة من تانى
..
للحظة مفيش جواب ثابت
عشان الأختيار دايما طريق فارق
وسوء الأختيار يخلق طريق مسدود
ومع ذلك هتتخلى عن الفكرة
هتستسلم
مفيش أصلا قرار مضمون 

هناك 12 تعليقًا:

rona ali يقول...

للحظة مفيش جواب ثابت

عمر ما كان في جواب ثابت ومسلمات

لازم نفكر في كل شئ قبل ما نعمله وقبل ما ننفذه
بالنسبه للاصرار هو مهم بس احيانا بيبقي في اصرار بلا نتيجه فعدكه احسن بكتيير :)

تحياتى نسمه

nesma hatem يقول...

rona ali
موافقة أنا جدا
تحياتى
نورتينى
:)

~ISLAM~ يقول...

عشان الأختيار دايما طريق فارق
وسوء الأختيار يخلق طريق مسدود

~~~~~~~~

ابداع اوى الجمله دى

بس سوء الاختيار مش هيخلق طريق مسدود
هيخلق طريق اصعب بكتير
عشان كده التردد والحيره والخوف
وعشان كده برده لازم اما نحسم نكون متحملين العواقب ومسؤلين عن النتائج
ونواجه بقى ما دام القرار اتحسم

انا بحييكى جدا

سواح في ملك اللــــــــــــــــــه- يقول...

مفيش اصلا قرار مصمون

قرار مدروس

يبقي اقرب للمضمون

قرار بالفطرة

ممكن يبقي برضه سليم

لو الفطرة تقوللك اه طاوعيها

مهما يكون

ده في الفطرة براءة ولحظة شفافة

واحساس صعب انه يخون

Unknown يقول...

علي قد ما بنفكر كتير في اختيارتنا الا اننا بنكتشف في الاخر انها غلط في احيان كتير

Habiba يقول...

السلام عليكم...
مفيش قرار مضمون...وايه اصلا فى حياتنا دلوقت بقى مضمون..غير اننا نثق بربنا ونبقى دايماً معاه واحنا بنختار واحنا بنقرر...وأدينا بنتعلم.
كلماتك دائماً معبرة وموجزة..تقبلى مرورى وتحياتى.

nesma hatem يقول...

~ISLAM~
معاك جدا فى موضوع تحمل العواقب ده وهنا بقه
ممكن يبقى أصعب لو عندك أستعداد تحاول تانى وتصلح
بس للأسف بعض الحالات بيبقى مسدود لأنه مبيفرقش أى تغيير أو تمسك بالمحاولة

شكرا جدا لمرورك
تحيتى
:)

nesma hatem يقول...

خالد

قرار نابع من الفطرة
لوحده صعب يبقى سليم
لكن ممكن تفيد الفطرة فى التحكيم
قرار الفطرة
تمام زى قرار القلب
قرار خالى من المنطق
من التفكير

شكرا جدا على الكلمات الرائعةأضافة ليا أكيد :)

بصراحة عمرى ما فكرت فيها من الناحية دى بس أعتقد أن المدروس هو أفضل الحلول
نورتنى
تحيتى :)

nesma hatem يقول...

mohamed amer

صح علشان كده بيبقى القلق الزايد من الفشل أو حتى الخطأ فى أوقات كتييير ملوش معنى
لأنه كده أو كده اللى ربنا رايده هيحصل وهتتعلم حتى لو كنت متأكد أنك صح
:) تحيتى

nesma hatem يقول...

حبيبة
وعليكم السلام
والله دى أسلم وأريح طريقة
أعقلها وتوكل
شكرا جدا
مرورك بيسعدنى دايما
تحيتى
:)

aya mohamed يقول...

كالعادة يا نسمة كلامك رااائع
نفسى اشوفلك ديوان بقى :)

nesma hatem يقول...

آية
ده علشان أنتى اللى بتقرى بس
رائع بمتابعتك
وأنا والله نفسى أشوفه برضه هههه ... أدعيلى أنتى بس
:)