فى أحدى مناقشات وقت الفراغ ... كان فى سؤال مضايقنى جدا وكان نفسى أعرف أنا لوحدى اللى كده ولا إيه !؟
والسؤال كالتالى :
هو فعلا فى فرق ما بين أنك تهتم ، وأن الأهتمام ده يبقى ليه معنى أصلا
بخرف أنا هه ... بس بجد والله فى فرق.
يعنى انت لو روحت لحد مضايق يبقى أحسن لو سمعته ولا لو حلتله مشكلته طبعا الجواب المنطقى لو
حلتله مشكلته ، هو ده بقه اللى أنا بتكلم فيه مش دايما على فكرة .
يعنى أنت ممكن تقابل واحد هيتفلق من الضحك وأنتى جمبه
سايب كل حاجة ومركز هو بيضحك ليه مع أنه ممكن يكون هو نفسه مش عارف ليه ؟؟ بس كل
اللى محتاجه أنك تتهبل معاه وخلاص .
الخلاصة مش دايما لما هتهتم الأهتمام ده هيظهر حبك ولا
دايما برضه هيبقى لازم تهتم أصلا .
أحيانا كتيير بتبقى الأجابة أسهل مما نتخيل بس أحنا
بنحب نجعلصها ... لو أنتوا من عشاق فيلم أحلى الأوقات زى هتعرفوا أيه الفرق ما بين الورد
والكباب وأكيد الورد يكسب ;)
لما تلاقى حد زعلان خده فى حضنك ، ولو فى موجة ضحك هستيرى أضحك على ضحكه
الحضن هيديك أكتر ما هيديه .... والتهيييس هيغير مودك
حتى ولو للحظات
أهتم بس وأنت فاهم دماغ اللى قدامك كويس ، لأنك أوقات كتيييير جدا ممكن تضيع وقتك
على الكباب وهما كل اللى محتاجينه وردة واحدة
:)
هناك 7 تعليقات:
على الهامش
للأسف حجات مختلفة بتؤدى لتآكل اليوم كاملا ، مفتقده جدا متابعة مدوناتكم ... بس كده
:)
نسمة الاخت العزيزة
ان كنت قد فهمت صح
فأنتي تتحدثين عن ان هناك اشياء يمكنك سماعها
فقط والمساعدة بالرأي الذي تظنينه صائب
او بالمساعدة المادية
ولااقصد بالمادية المال فقط
اقصد بالتحرك وفعل اي شئ من اجل فك ازمة
من تسمعينه
هناك مشاكل اراها تحل بالاستماع وارأي
مثلا قد يشكوا لي صديق من تصرفات زوجته
او من يحب
هنا لايحق لي التدخل بمناقشة الطرفين
لان هناك اشياء لايجب ان اعلمها
وقد يشكوا لي صديق من صديق اخر
هنا يحق لي التدخل المادي اي بالتعامل مع الازمة ومناقشة الطرفين
تحيتي يانسمة
ساعات فعلا علي رايك
الموضوع بيبقي بسيط
احنا بنأزم حاجات كتير ونسهل الحاجات الصعبه
ماشين بالعكس دايما
انا فاهمه كلامك اوى
احيانا كتير لما بيجى حد يحكلنا بنقعد نفكر في كلامه ونقعد نحاول نحل مشكلته
مع ان الموضوع ممكن يخلص لما تتفهى غضبها وضميها وتطمنيها هتهدى :)
ولايهمك يا نسومه براحتك نحن مقدرين
بس علي وعد ترجعى تقرأى موضوع حيثيات رناويه وتقوليلي رايك
لانه يهمنى جدآ
^_^
وحشتينى
مساء الغاردينيا نسمة
ساعات أي شخص بنبقى معاه بيكون محتاج مننا نعيش جوه يعني لما يتوجع نحس بيه لما يكون محتاج اهتمام نديه اهتمامنا حتى بأبسط تفاصيله حتى الضحكه محتاج بجد نعيش معاه ضحكته حتى لو مش فاهمين بيضحك ليه "
؛؛
؛
إحساسك جميل
لروحك عبق الغاردينيا
كانت هنا
reemaas
خالد
هو الموضوع نسبى إلى حد ما يعنى فعلا يختلف بأختلاف الشخص أو الموقف
بس الشئ الثابت دايما هو رغبة اللى قدامك نفسها فى المساعدة وشكل المساعدة دى إيه
يعنى لو تدخلك وحل المشكلة هو فعلا اللى محتاجله ولا الاستماع بس
ساعتها هيبقى التدخل ليه فايدة وهيساعده فعلا
تحيتى
:))
rona
ربنا يخليكى يا رونا وأنتى وحشانى جدا والله
هتلاقي ردى عندك النهاردة ان شاء الله
:)) نورتينى
ريماس
دايماتعليقك أجمل
تحيتى
:))
إرسال تعليق