مهما بعدت ومهما قسيت
لفيت أو دورت
برضوا تحن لحضن العيلة
حضن العيلة احساس باللمة
احساس بالفرحة
بخالة وعمة
زحمة عيد
صوت ضحك بعيد
لعب و جرى لطفل سعيد
لسه انا فاكره
فاكرة الحوش وسلالم البسطة
زينة رمضان والتكبيرة لكل أدان
حجات وان شفتها حتى بسيطة
عمرك برضوا ما تنسى تحن لحضن العيلة
حضن العيلة يساع من الناس ملايين وألوف
اصل حقيقة صلة الدم مش بس حروف
طب كده فكر فيها وخمن صاحب أخوك أو حتى قريبك
جه كام مرة فى زيطة ... فى لمة علق فيها النور والزينة
طب كام مرة جالك فيها لحد البيت "بيت العيلة "
اوصفلك اكتر طب حاجة اسهل
طلع صورك وانت صغير
قلب فيهم حبه ودور
شايف مين !؟
برضوا العيلة
واللى يزعل مش فكرت وقت وبقى اسرع
اللى حقيقى بجد يضايق
انك وسط الناس والزحمة
تنسى للحظة حضن العيلة
هناك 4 تعليقات:
مساء الغاردينيا نسمة
وهل أجمل من حضن العائلة
فهو دائماً حنان وأمان "
؛؛
؛
وصفك جميل وحنون
لروحك عبق الغاردينيا
كانت هنا
reemaas
ريماس
مساء الغاردينيا
شكرا ... نورتى
:)
بِتقُولي الكلآم بِطريقه جَميله جداً
:):)
شكرا يا سارة
بتعلم منك
:)
إرسال تعليق