2012/02/02

مبقاش بعيد

مبقاش بعيد
تبقى واحد من اللى ماتوا
وأعلنوا عليه الحداد
مبقاش بعيد
يقبلوا فيك التعازى
...
وأنت دمك لسه سايل
على الكراسى
مبقاش بعيد
ومش فارق
فى حالك
بلطجى ثاير
مبقاش بعيد
دمك يساوى تعويضات
ولجنة لتقصى الحقايق
فى أنتظار الأثباتات
.
.
.

قبل ما تنزل
حضر ورقة
وأكتب فيها
سلام لأخواتك
طيب خاطر أولادك
هون فيها الصدمة لأمك
كلم كل أصحابك حتى
قبل ما تنزل
حضر كفنك
وأكتب عنوانك عالدفنة
قبل ما تنزل
أصبر لحظة
ودع نفسك
وأقرا الفاتحة

هناك 5 تعليقات:

سواح في ملك اللــــــــــــــــــه- يقول...

« والذي نفسي بيده؛ لا يذهب الزمان حتى لا يدري القاتل فيما قتل ولا المقتول فيما قتل.

صدق رسول الله

nesma hatem يقول...

ونعم بالله
:(
ربنا يرحمهم يارب ويجعل مثواهم الجنة
ويصبر أهلهم

rona ali يقول...

اة يارررررررررررب :(

نيللى على يقول...

حسبي الله ونعم الوكيل
والله الواحد خلاص ماعاد يستحمل ربنا ينتقم منهم يارب

nesma hatem يقول...

منجى باكير
نيللى على
شكرا لمروركم
:)