2012/02/01

امبارح




امبارح كانت اول مرة أضحك من قلبى بجد
مش ضحكة حزينة وبتدارى تكشيرة هم
اول لهفة 
اصدق دمعة ودقة قلب
أيامى الجاية 
لكن من غير أى خسارة وبدون تزييف
بال رايق 
يكَمِّل روقانه فنجان قهوة بوش خفيف
لمة لكل الناس فاتحة الابواب
سهراية على فيلم السهرة
حتى ولو كان مش بالألوان
امبارح وقته خلاص عدى
من غير تمهيد
تلاقيه ذكرى
امبارح هيكون اقرب حتى
لو عنك دايما راح يبعد 
ببداية يوم تانى جديد

هناك 12 تعليقًا:

aya mohamed يقول...

جميل جدا يا نسمه :)

nesma hatem يقول...

أية
:)
أنتى أجمل
تحيتى

reemaas يقول...

لو عندى امبارح ده كنت هبقى سعيدة اوى كده بردو :)

nesma hatem يقول...

ريماس
أتفضليه يا جميل :)
شكرا
نورتينى

سواح في ملك اللــــــــــــــــــه- يقول...

امبارح عمره مبيرجع

ممكن بكرة يكونلك احسن

اسعد اجمل

ممكن لا

لكن عمر امبارح ابدا

عمره ميرجع

عارفة ليه

علشان عمرك بيزيد يوم

وطبيعة الدنيا

ان العمر يزيد ولا ينقص

دائما رائعة يانسمة

nesma hatem يقول...

خالد
بيبسطنى دايما أضافاتك الرائعة
شكرا جدا

مش بحلم يوم أنى أعيده
لكن قسوة الواقع بتأكد
أسباب تفضيله
مش نظرة يأس
تفضيله بيدى أمل دايم
يمكن ترجع فرحة بعشها
بس فى ذكرى
يوم أمبارح
:)
نورتنى

rona ali يقول...

يمكن مش نظرة ياس
بس يمكن تكون
واقعيه مفرطه

بس دايما التفائل
لي وجود ولى وجوة في حياتنا
البارح عدى وانتى انهاردة بتكلمى
اة ممكن يكون يوم عدى خلاص
بس البصمه والاثر اللي بيتركهم
اكبر بكتير من اى شئ اخر

تحياتى كلامك دايمآ في الجوون :)

Habiba يقول...

فيه أيام من الماضى جميلة نتمنى لو أننا نعيشها تانى.
وأكيد فيه أيام تانية..بنحمد ربنا انها فعلا ماضى ومش هترجع.
كلماتك مميزة كالعادة..تقبلى مرورى.

Unknown يقول...

كلامك جميل يانسمه

nesma hatem يقول...

rona
هى فعلا واقعية مفرطة للأسف وصعب تغييرها
يارب يبقى اللى جاى أحسن
شكرا يا قمر .. نورتينى
تحيتى

nesma hatem يقول...

حبيبة
مميزة بمرورك
أكيد
تحيتى

nesma hatem يقول...

محمد
مبسوطة أنه عجبك
شكرا
نورتنى