انا شخصية بسيطة صريحه
نفسى اعيش جمبك فى امان
نفسى تكون فى حياتى بداية
ونفسى منمش من السرحان
صحيح عصبية
بس معاك بهدى وبرتاح
وممكن ابقى سعات نكدية
يوم ما تكون قاسى وجراح
واعرف امتى افتحلك قلبى
وامتى يكون العقل سلاح
غبيه وجهله
يوم ما تحب تكون استاذ ،
وحتى كمان انفع محامية
تدافع عنك ليل ونهار
وساعة الجد ابقى صديقك
اللى يساعدك فى المشوار
ويوم ماتحس بخوف او غدر
هفضل جمبك
بس اوعدنى
تفضل صابر مهما يكون
وانك تؤمن ان الدنيا كتيييير مابتاخد
لكن لازم يوم راح تدى ومهما يكون
انا انسانه بفكر دايما فى
المستقبل
علشان لازم قبل ماتعمل
تعرف فين وازاى ومنين
وده معناه ان انا بشتاقلك
من غير حتى ما انت تغيب
بخاف من الدنيا واعمل لها
لو 1000حساب
علشان عارفه انها لو تغدر
ربك وحده هو العالم امتى تروق
ويمكن دا اللى مخلينى
اشوف الاسود قبل الابيض فى الاشياء
حاجه غريبه مع انها كلها
الوان
احب احس بلأستقلال
يعنى تسيبلى مساحه اتكلم
حتى وان كان اى كلام ،
قدر كده لو مره مشاعرى
وشوفنى هرد عليك ازاى
احبك تفهم كل حلاتى
وتعرف امتى بكون فرحانه
وليه زعلانه
وايه اللى شاغلنى
يبقى سكوتى لغة وكلام انت
وبس اللى بتقراه
ابقى معاك مع نفسى واكتر
وابقى مش محتاجه ابرر
انا شخصية بحبك جدا
علشان كده افرح طبعا لما
يقولوا جاتله خلاص
جاتله اللى هتغنيه عن حوا
واللى هتقلب حاله كمان
جاتله اللى تخليه يتحرك
يطلب قربها ويرقيها
وزى ما تبقى حبيبه وزوجه
تبقى اليه اقرب انسان
هناك 6 تعليقات:
رائع رائع يانسمه جميلة أوي الحالة دي
جميلة الحب اللي كل طرف بيكمل التاني وبيختلف عن التاني في نفس الوقت
بجد أستمتعت ربنا يبارك فيكي
نيللي
قمةالموهبة
في بساطتك يانسمة
انها البنت المصرية الاصيلة
بقلم اشعار نسمة حاتم
تحيتي يانسمة
جميلة جدااا يا نسمة
ربنا يسعدك يارب
نيللى
ربنا يخليكى يا جميل
ميرسى جدا تعليقك أروع
:)
خالد
كلامك دايما بيشجعنى جدا
أن شاء الله أكون دايما بنفس المستوى
تحيتى
:)
آية
يااااارب
أنا وأنت
مبسوطة أنها عجبتك
:)
إرسال تعليق